TUIfly.com - Willkommen an Bord airberlin.com - Your Airline.
O mè paisi cu amuri e cu duluri
U MACCARISI MUDERNU
Me matri quann'era piccidditu
APPOI DUMANI
MATRI MIA BEDDA TU CHI MI SCUTI
DISCURSU PERSU CU GUIDU TURINU
A Marcu Farcuni- Sinnacu chił giuvanu d'Italia
O mè paisi cu amuri e cu duluri



O mè paisi cu amuri e cu duluri

A volte,mi viene voglia di lasciare la Sicilia per quanto di seguito ho espresso:



Ô ME PAISI CU AMURI E CU DULURI





Quannu era picciriddu ‘n-carusazzu
mi pariva beddu stu mè paisi
forsi prichì nan capiva di crisi
oppuri prichì nan sapiva ‘n-cazzu.

Talìava d’a mè casa ‘n-capu ‘u Cozzu
chinu di nivi e focu ‘ u Mungibeddu
allura nan capiva di cappeddu
prichì ‘u mè ciriveddu era rozzu.

D’e Maccari Supranu dô livanti
parìva ‘u paisi ‘na bomboiera
un regalu fattu di Barbanera
e brillava comu ‘u suli o ‘n-diamanti.

D’unna ‘a cuntratta Gatta dô punenti
vidiva cu amuri ‘u panorama
intra a mè testa tracciava ‘n-diagramma
e cu l’occhi circava i munumenti.

A manca truvàva a chiesa Piccidda
ô Chianu ‘i Furchi, chi d’a chiesa Ranna
chi si trova nna chiazza ddaddabbannna
pigghia luci e ‘ duna comu ‘na stidda.



‘U casteddu dô principi Biscari
cu munumentu d’e nostri caduti
chi ancora ‘i sta tinennu susùti
comu si fussiru ‘n-capu ‘i cìcari

A parti auta ‘a Butti di l’Acqua ô Spizziu
chi è robusta comu ‘na furtezza
puru ora fa ‘na certa tinnirezza
misa ‘n-capu tutti ddu pricipizziu.

E poi, ‘u campanìli d’a chiesa Ranna
Chi pari comu ‘u Domu di Milanu
‘i rintocchi sintiva di luntanu
quannu ‘migratu prigava Sant’Anna.

Chianu chianu ‘rruvannu ô Signuruzzu
vidiva d’a mè destra ‘n-casa mia
chi è darrè a Via Bellomia
prichì era lu tirrenu tirruzzu.

Anzi, sutta ‘u quarteri Zaccaria
c’era ‘na frabbichedda di mattuni
chi grazii a Diu finivu ô vadduni
d’a campagna rumpiva ‘a magarìa.

Faciva dô paisi puisia
quannu mi luntanava pi tri misi
Pi ‘ccattari pantaluni e camisi
dava sulu a mè patri di vossia.

Si putivanu luvari ‘u cappeddu
i Sammicilisi e i Santicunisi (1)
tutti i Chiazisi e i Cartagirunisi (2)
d i quantu mi parìva ‘ccussì beddu.

Animati eranu ‘i strati di genti
di picciriddi, viddani e sturenti
eràmu senza sordi ma cuntenti
nan mi passava gilusia ‘n-menti.

Ora però, mi sta murennu ‘u cori
vidennu sciarriari tanti cristiani
‘n-chiazza comu fanu ‘i gatti chi cani
mi pari chi mi trovu mmenzu ‘i tori.

Pari sunu i tempi di Mussulini
cu quattru cappeddi a nui cumannari
cu l’occhi puntati a talìari
a l’emigranti chi su’ a travagghiari.

E Don Luigi Sturzu a tutti ‘u dicìva
‘ nzèmula cu scritturi Carlu Levi
chi cu ‘a burghisia veni ‘a frevi
quannu tannu ‘n-paisi si mitìva . ( si mitìva=si mieteva)

Ddi cappeddi chi ancora nan su’ cangiati
cumìnanu tantissimi minchiati
pigghiànnu ‘u populu sempri mazzati
prichì s’ànu amatu e puru scannati.

A gilusìa chi smangia tra d’iddi
l’ha fattu sparpagghiari ‘nte partìti
a tutta a discindenza ch’i figghiti
e a genti fa ‘cchiappari p’i capiddi.

E cangianu partìti ogni mumentu
e pigghianu pi fissa e carusazzi
dicennuci cari giuvani e ragazzi
nui vutàmu sempri unna mina ‘u ventu



E ddi babbasuni di carusazzi
chi si v’ànnu sciarriannu a destra e manca
pigghiànnu sempri “dda” corpi di stanca
cu pirìculu di nesciri pazzi.

Tantè chi sunu suli e bar, bar
lagnàti ch’i cappeddi zii e amici
pi sparrari e sentissi pulitici
ritornanu militari a fari u c.a.r.

Nno celu a nostra bedda Madonnina
nne vidi comu tanti bestiolini
oppuru comu tanti piddirini
‘i vulissi pigghiari p’a manina.

E iu strunzu, cretinu, babbu chi fazzu?
parru cu mia stissu e scrivu versi
prichì l’autri di mia su’ diversi
e puru ora nan capisciu ‘n-cazzu.

Vulissi truvari a mè paci ‘ n-terra
puru nni sta città c’aviva amuri
ora ‘nveci provu tantu duluri
prichì pari chi sugnu sempri ‘n-guerra.

Vulissi cambiari ‘u mè paiseddu
fujiriminni, curriri scappari
unna c’è genti cha sa’ puru amari
e nan truvari testi cu cappeddu.

Unna ‘a genti sapi dari ‘u so’ sangu
unna è cumpiuta a dimocrazia
e nann’è vista comu ‘na pazzia
e nan talìa qual’ è ‘u so’ rangu.

E basannuci comu tanti frati
nan s’àssa pruvari chiù gilusia
si dicissi chi fussi puisia
e nan nni sintissimu tanti matti.







(1) Gli abitanti di San Michele di Ganzaria e di San Cono
(2) Gli abitanti di Piazza Armerina e di Caltagirone.



Giuseppe Bonura




 

Giuseppe Bonura

12.03.2018 - generic (http://viagrafse.com/)
Does work for someone who doesn't have ED?

07.01.2018 - cialis (http://cialisubz.com/)
Nothing found for -ontario-canada .

04.12.2017 - purchase (http://viagralionline.com/)
for women does it work - how fast does viagra work .

19.10.2017 - en (http://cialisdfr.com/)
These medications for patients who lose their late Cialis teens and workup be elucidated.

19.04.2017 - tadacip (http://cialisgenericbuyrx.com/)
Anadia daily Ovar viagra medicamento Vale de Cambra v is for viagra Ovar cialis o que ?

Clicca qui per commentare
1 2 Avanti